Achega

Profesor titular da Universidade da Coruña, actualmente asume funcións de director do Observatorio do Teatro Galego e da colección dedicada ao teatro galego da Biblioteca-Arquivo Teatral Francisco Pillado Mayor, da que é coordinador científico. É tamén vogal da Academia Galega de Teatro e membro da Sección de Artes Escénicas, Musicais e Audiovisuais do Consello da Cultura Galega.

Ten participado como colaborador internacional da axencia portuguesa A3ES para a avaliación na área das artes performativas e en varios proxectos de recuperación do patrimonio teatral galego, de cuxa última edición é investigador principal.

Entre as súas publicacións figuran a biografía do director do Conservatorio Nacional de Arte Galega (1919), edicións de pezas esquecidas de dramaturgos galegos do século XX e volumes monográficos sobre a historia do teatro galego ou a Escola Dramática Galega. Alén diso, foi curador de exposicións sobre a actividade escénica da Galiza.