A Academia Galega de Teatro en colaboración con Excelentísima Deputación da Coruña, e patrocinadas pola Axencia Galega das Industrias Culturais da Xunta de Galicia, realizará unhas xornadas no Pazo de Mariñán.

Estas II Xornadas da Academia Galega de Teatro en Mariñán, se celebrarán do día 23 de maio ao 25 de maio de 2024. Realízanse baixo o lema: “O DESEÑO DAS PROGRAMACIÓNS TEATRAIS GALEGAS: NA PROCURA DUN MODELO COOPERATIVO” Tendo en conta a natureza das artes escénicas como servizo público, preténdese buscar un modelo conxunto de diálogo entre diversos axentes culturais que o integran (programadores/as e empresas escénicas) no marco proporcionado pola Academia Galega do Teatro no Pazo de Mariñán nas datas que van da tarde do xoves do 23 de maio de 2024, ate o sábado 25 de maio de 2024. O marco local, é a administración que máis se esforza por cumprir as primeiras necesidades da cidadanía, con todo, na maioría dos casos, esas necesidades cóbrense sen unha política clara, sen reflexión sobre o futuro e sen obxectivos a longo prazo. Isto pode aplicarse ao eido da política cultural municipal. A gran variedade de actividade cultural existente nos concellos galegos, e en concreto nas artes escénicas, fai que a xestión que se realiza, en función dos intereses, recursos e organización, sexa moi distinta duns concellos a outros xerando unha realidade complexa e diversa. A Academia Galega de Teatro xera un espazo de pensamento, nun encontro cun espírito distendido, para repensar o sistema de programación que se está a levar a cabo en Galicia, onde distintos axentes da administración local -especialistas e profesionais- analizarán a situación co fin de marcar uns puntos de encontro cuxo obxectivo é mellorar o sector escénico do noso país para o futuro. Coa participación de todas/os estes profesionais pretendemos establecer un diálogo cun grupo de persoas expertas que programan en distintas realidades, achegarnos a cada unha delas, e intentar depurar un conxunto de ferramentas que permitan a evolución no marco das Artes Escénicas en xeral, e do teatro en particular.